29 Sep Drie oud-Nellies haal provinsiale span
Die Mpumalanga Sunbirds het Saterdag, 27 September, vanjaar se provinsiale netbalspan aangekondig. Hoërskool Nelspruit is uitermatig trots op twee oud-Nellies wat ook tans personeellede van NHS is wat nie net as spelers aangewys is nie, maar ook as kaptein en onderkaptein van die span verkies is. Faith Motau (kaptein) en Maryke Coetzee (onderkaptein) is opgewonde oor dié uitdaging. Linmari Potgieter, wat in 2018 by NHS gematrikuleer het, is ook ingesluit in di֖e span.
Die Sunbirds is een van 12 spanne wat vanaf 14-27 Oktober aan die Telkom Netballiga in Bloemfontein deelneem. Die toernooi word onderhewig aan streng gesondheidsmaatreëls aangebied. Daar sal ook geen toeskouers tydens die wedstryde toegelaat word nie.Ten spyte hiervan sien die netbalspelers uit om die wedstrydtyd te geniet.
NHS hou jou op hoogte van die regstreekse uitsendings!