02 Jun Kom kuier saam!
Oud-Nellie Déan Botma het in die onlangse Boer Soek ‘n Vrou-reeks nie net liefde gevind nie, maar ook hegte vriendskappe gesmee. Die top 5-boere van die realiteit program van KykNET en hulle geliefdes gaan ‘n draai in die Laeveld maak en u mag dit nie misloop nie! Kom kuier heerlik op Vrydag, 18 Junie om 18:30 by Hoërskool Nelspruit saam met hulle. Dit beloof om ‘n uiters gesellige aand met lekker stories, heerlike kos en hope vermaak te wees. Lisa met die Rooi Hare, bekende en skreeusnaakse YouTube-resensent van Boer Soek ‘n Vrou is die programleier vir dié geleentheid.
‘n Beperkte aantal kaartjies is teen R250 per persoon by me. Elsabe Steyn in NHS se bemarkingskantoor te koop. Vir enige navrae skakel gerus vir me Steyn by 013 7552082.
Met ontvangs sal u temperatuur geneem en hande gesaniteer word volgens die vereistes van die nasionale Covid-19-regulasies. Onthou asseblief u masker.