16 Mar Naelbytaksie tydens EG Jansen-wedstryde
NHS het Saterdag 12 Maart teen Hoërskool EG Jansen aan vriendskaplike wintersportwedstryde deelgeneem. Vrydagmiddag was daar groot opwinding onder die Nellie-personeel en -leerders toe 8 busse die lang pad Gauteng toe aangedurf het. Dit is die eerste wedstryde sedert die inperking wat nie tuis gespeel is nie. Die onderskeie spanne en sportsoorte het getrou Nellieguts tydens ál die wedstryde gewys.
Na afloop van die hokkie- en netbalwedstryde was dit tyd vir ‘n titaniese stryd vir die eerstespan rugbyspelers. Die Nellies het bankvas agter die Rhinos gestaan en hulle luidkeels in die naelbytwedstryd teen EG Jansen ondersteun.
Teen halftyd was die telling 19-14 in EG Jansen se guns. In die laaste minuut van die wedstryd het die Rhinos ‘n drie gedruk en die telling 33-33 gemaak. Dit was Danny van Staden wat met ‘n uitstekende skop die wenpunte op die telbord gesit het en die wedstryd vir die Nellies beklink het.
Spelers van die wedstryd: Danny van Staden en Francois Odendaal.
Mnr. Hennie Skorbinski (NHS-rugbydirekteur) sê dat die voorseisoen se oefeninge tot die sukses van die punteverskil op die telbord bygedra het.
“Hierdie vriendskaplike wedstryde het die spelers ‘n geleentheid gebied om weer saam te kan speel en om weer stelselmatig fiks te word en die nodige vaardighede onder die knie te kry vir die ligawedstryde wat na die skoolvakansie afskop.”
Sterkte aan al die spanne wat tydens die vakansie gaan toer. Hou die NHS-sosiale media vir al die opwindende sportnuus dop.
Uitslae:
Netbal
o/14A 8-13 VERLOOR
o/14B 16-17 VERLOOR
o/15A 21-13 WEN
o/15B 16-6 WEN
o/16A 19-11 WEN
o/16B 18-12 WEN
o/17A 13-18 VERLOOR
o/17B 1-31 VERLOOR
2DE 29-12 WEN
1STE 32-8 WEN
Rugby
o/14A 12-24 VERLOOR
o/14B 12-10 WEN
o/15A 19-22 VERLOOR
o/15B 29-0 WEN
o/16A 0-43 VERLOOR
o/16B 0-47 VERLOOR
3DE 33-0 WEN
2DE 5-26 VERLOOR
1STE 35-33 WEN
Dogtershokkie
o/14A 0-5 VERLOOR
0/14B 3-1 VERLOOR
o/15A 0-0 GELYK
o/15B 5-0 WEN
o/16A 2-1 WEN
o/16B 1-0 WEN
1STE 3-1 WEN
2DE 0-3 VERLOOR
Seunshokkie
o/14A 5-2 WEN
o/16 A 2-0 WEN
1STE 7-0 WEN