
01 Mar NHS in snelrat, kry die geruite vlag by Laeveld-interhoër 2020!
Soos hulle banier belowe het, was Hoërskool Nelspruit se atletiekspan verlede Saterdag, 22 Februarie 2020, waarlik oorgehaal om die sterk uitdaging wat veral Rob Ferreira gestel het, die hoof te bied. Daar is van meet af oorgeskakel na snelrat en, met die gees op die pawiljoen kenmerkend van die puik entoesiasme en volle oorgawe waarmee die Nellies hulle maats op die baan en veld deurentyd ondersteun het, was die een skitterende uitslag na die ander die bewys van ware Nellie-guts! Uiteindelik wen NHS die drie hooftrofeë van die dag, nl. Groottotaal Seuns, Groottotaal Meisies en gesamentlik, Interhoërwenners vir 2020.
Die intense stryd tussen die 2019-wenspan wat die seuns betref, Rob Ferreira, en die Nellies se manne wat vasberade was om die vorige jaar te nederlaag te wreek, het die groot skare enduit, tot met die laaste aflosse, geboei. RF se A-atlete het dan ook met 379 teenoor NHS se 373, die voortou geneem, maar dit was Nellies se B-atlete (385 teenoor 355) wat die wa deur die drif getrek en NHS met 24 punte (in hierdie afdeling) laat koning kraai het. Ook Bergvlam en Lowveld High se seuns sal hulle tweestryd nog lank onthou! Uiteindelik eindig Lowveld (398) ‘n skrale 4 punte voor die gasheerskool se seuns (394). Lydenburg was in ‘n gemaklike derdeplek, met 475 punte.
NHS se meisies het deur die seisoen getoon dat hulle nie hul gelyke in die Laeveld het nie. Hulle het dan ook die stryd tussen die A-, sowel as die B-atlete met gemak gewen. NHS (810), is gevolg deur Rob Ferreira (572), Lydenburg (428) en Bergvlam, wat met 419 punte, in Lydenburg se nek geblaas het. Die Nellie-meisies se onderlinge ondersteuning aan mekaar, wilskrag om vorentoe te beur en opvallende afgerondheid wat styl en peil van afrigting betref, het werklik beïndruk!
Wat die spantrofee (seuns en meisies saam) betref, was daar aan die einde van die byeenkoms, ‘n duidelike verskil in punte tussen die onderskeie skole. NHS (1567.5), is gevolg deur Rob Ferreira (1306), Lydenburg (903.5), Bergvlam (814), Lowveld High (762.5), Penryn College (618) en Barberton (511.5). Daar moet egter dadelik bygevoeg word dat Barberton, vanweë onrus in die dorp, nie met ‘n volspan kon deelneem nie.
NHS se atlete het die volgende individuele trofeë ingepalm:
Junior seuns, hekkies: Charles Nel
Senior meisies, naellope: Rhodé Nel
Junior seuns, worpe: Heinrich McDuling
Junior mesies, middelafstande: Kristen Berry
Junior seuns, spronge: Ruan Pretorius
Junior meisies, worpe: Ashley Erasmus
Junior meisies, naellope: Tanya Pieterse
Senior meisies, worpe: La-Alizia Venter
Junior meisies, hekkies: Danielle Groenewald
Junior meisies, spronge: Shanese de Clerck
Baie geluk ook aan die volgende atlete, wat daarin kon slaag om ‘n nuwe interhoërrekord daar te stel:
Rhodé Nel (m.17): 100m – 12.01 (was 12.55); asook 200m – 24.91 (was 26.20)
Ashley Erasmus (m.15): gewigstoot – 16,86m (was 12,08m); ook skyfwerp – 45,33m (was 36,80m)
Handré vd Merwe (s.16): 400m hekkies – 56.58 (was 56.65)
*Al was hy in die tweedeplek, het Douw Kruger (s.19) in skyfwerp die ou rekord van Frans Schutte wat op 49,60m gestaan het, met ‘n gooi van 52,65m oortref. Rob F. se Xolani Lekhuleni het met ‘n puik gooi van 55,02m, goud gewen.
Tanya Pieterse (m.14) se naam verdien gewis spesiale vermelding! In so ‘n spankompetisie, waar ‘n atleet aan ‘n maksimum van 4 individuele items mag deelneem, is dit werklik uitsonderlik indien ‘n atleet in al 4 toegelate items, eerste eindig! Tanya wen die 200m, 400m, 90m hekkies EN die 300m hekkies – ‘n rare voltal!
NHS se lys van medaljewenners is lank, maar elkeen van hulle se uitslag word met trots bekend gemaak! Punte bo 800 (ASA-tabel) word aangetoon.
Seuns 14:
Nathan Duncan: 1500m – 4:46.94 (goud); ook 800m – 2:16.41 (silwer)
Bradley Claassen: gewigstoot – 11,84m (goud)
Ian Wood: spiesgooi – 36,67m (goud); ook gewigstoot – 11,65m (silwer); en skyfwerp – 30,41m (silwer)
Cobus Erichsen: skyfwerp – 30,79m (goud)
Marno du Plessis: 400m – 58.43 (goud)
Ruan de Beer: 100m hekkies – 15.09 (silwer); ook 300m hekkies – 46.59 (brons)
Stefan Coetzee: 1500m – 4:57.09 (silwer); ook 800m – 2:20.30 (brons)
Theunis Meyer: 400m – 58.68 (silwer); ook 200m – 25.74 (brons)
Callum van Staden: 100m hekkies – 15.35 (brons)
David Botha: spiesgooi – 31,56m (brons)
Angelo Cloete: 100m – 12.54 (brons)
Seuns 15:
Charles Nel: 100m hekkies – 14.09 (goud); 300m hekkies – 40.94 (goud); en 100m – 11.45 (silwer)
Kian Mouton: 1500m – 4:28.34 (goud); ook 800m – 2:08.78 (silwer)
Karl Erichsen: skyfwerp – 40,87m (goud); ook spiesgooi – 48,14m (silwer)
Heino Meiring: spiesgooi – 49,55m (goud)
Ruan Pretorius: hoogspring – 1,75m (goud)
Heinrich McDuling: gewigstoot – 12,61m (goud)
Ruben Lorist: skyfwerp – 40,37m (silwer)
Ruben Vorster: verspring – 5,57m (silwer); ook 100m hekkies – 14.80 (brons)
Davico Kruger: gewigstoot – 12,02m (silwer)
André van Schalkwyk: 800m – 2:13.07 (brons); ook 1500m – 4:42.09 (brons)
Seuns 16:
Philip Vogel: gewigstoot – 13,13m (goud); ook skyfwerp – 34,91m (goud)
Handré vd Merwe: 110m hekkies – 14.53 (goud, 835); 400m hekkies – 56.58 (goud); en 100m – 11.31 (silwer)
Wikus van Biljon: 400m – 52.57 (goud)
Hannes Botha: spiesgooi – 55,82m (goud)
Bernick Bezuidenhout: hoogspring – 1,75m (goud)
Andreas Fouché: gewigstoot – 12,76m (silwer); ook skyfwerp – 33,82m (silwer)
Alexandré Viljoen: 800m – 2:05.81 (silwer)
Marco Capazorio: 110m hekkies – 14.84 (silwer, 806)
André Potgieter: 200m – 23.45 (silwer); ook 100m – 11.32 (brons)
Danny van Staden: spiesgooi – 50,68m (brons)
Martin Raath: 1500m – 4:46.12 (brons)
Seuns 17:
Luthando Mabuza: 1500m – 4:38.16 (goud); ook 800m – 2:06.55 (silwer)
Ewan Nieuwoudt: 400m hekkies – 58.84 (goud)
Werner Geldenhuys: gewigstoot – 14,33m (goud)
Quinn van Zyl: skyfwerp – 43,63m (goud)
Dawie van Heerden: 400m – 52.83 (silwer); ook 400m hekkies – 59.79 (silwer)
Frederik Nel: gewigstoot – 14,30m (silwer)
Hendrik Dreyer: spiesgooi – 45,77m (brons)
Keenan Visser: 110m hekkies – 15.04 (brons)
Janes Swanepoel: skyfwerp – 40,10m (brons)
Seuns 19:
Douw Kruger: gewigstoot – 16,88m (goud, 894); ook skyfwerp – 52,65m(silwer,943)
Marvin Mthethwa: 110m hekkies – 14.62 (goud, 842); ook verspring – 6,64m(silwer)
Henko de Nysschen: 400m – 50.44 (goud); ook 200m – 22.96 (brons)
Zander vd Merwe: spiesgooi – 59,38m (goud)
Charis Brundyn: 3000m – 10:08.40 (silwer)
Marcel Saayman: spiesgooi – 45,78m (silwer)
Coben Putter: skyfwerp – 43,30m (brons, 819)
Nico Liversage: 400m hekkies – 57.56 (brons)
Meisies 14:
Tanya Pieterse: 90m hekkies – 15.01 (807); 300m hekkies – 49.71; 200m – 27.31; 400m – 61.61(810) *al die items goud
Christine Venter: skyfwerp – 26,37m (goud)
Jodi dos Santos: 1500m – 5:35.94 (goud); ook hoogspring – 1,35m (goud); en 800m – 2:39.84 (silwer)
Zané du Toit: verspring – 4,21m (goud); ook 400m – 69.02 (brons)
Chanzelle Sonnekus: spiesgooi – 21,60m (goud)
Shanré Ehlers: gewigstoot – 10,31m (goud)
Kim Mathebula: 100m – 13.45 (goud)
Marné vd Merwe: 300m hekkies – 53.53 (silwer)
Simoné Froneman: 90m hekkies – 16.66 (silwer)
Zoë Scheepers: hoogspring – 1,35m (silwer)
Mieke Raath: spiesgooi – 21,32m (silwer)
Telieze Coetzee: gewigstoot – 9,98m (silwer)
Niandra vd Westhuizen: 100m – 13.56 (silwer)
Kayleigh Breytenbach: 1500m – 5:49.73 (brons)
Meisies 15:
Ashleigh Erasmus: gewigstoot – 16,86m (goud, 1034); ook skyfwerp – 45,33m (goud, 1013)
Danielle Groenewald: 90m hekkies – 14.15 (goud, 839); 300m hekkies – 48.68 (goud, 803); en 200m – 27.53 (silwer)
Kristen Berry: 800m – 2:26.09 (goud); ook 1500m – 5:19.08 (goud)
Shanese de Clerck: hoogspring – 1,60m (goud); ook verspring – 4,98m (goud)
Lize Oosthuizen: spiesgooi – 32,65m (goud)
Anya Venter: gewigstoot – 11,08m (silwer); ook skyfwerp – 33,63m (silwer)
Duné Nortjé: 800m – 2:39.91 (silwer)
Arili Boshoff: 100m – 13.01 (silwer); ook 400m – 63,08m (silwer)
Chanel Hope: 1500m – 5:41.06 (silwer)
Anri Spruyt: 200m – 28.03 (brons)
Meisies 16:
La-Alizia Venter: gewigstoot – 12,21m (goud, 839); ook skyfwerp – 26.35m (silwer)
Zané Potgieter: 400m hekkies – 70.44 (goud); 200m – 27.27 (silwer); 100m – 13.21 (silwer); en 100m hekkies – 17.80 (brons)
Berna Kok: 800m – 2:31.89 (goud); ook 1500m – 5:23.48 (goud)
Larise Combrink: 100m – 12.92 (goud); ook 200m – 26.97 (goud)
Karien Goosen: 400m – 66.31 (goud); ook verspring – 4,76m (brons)
Jolanke van Zyl: spiesgooi – 33,46m (goud)
Mieke Louw: 100m hekkies – 15.43 (silwer); ook 400m hekkies – 71.62 (silwer)
Silvia Barnard: spiesgooi – 33,25m (silwer)
Nineveve Fish: 800m – 2:44.37 (brons)
Suné du Preez: hoogspring – 1,40m (brons)
Zimri Leuvenink: 1500m – 5:35.77 (brons)
Meisies 17:
Nicci Viljoen: 400m hekkies – 67.17 (goud); 400m – 60.04 (goud); en 100m hekkies – 15.42 (silwer)
Rhodé Nel: 100m – 12.01 (goud, 892); 200m – 24.91 (goud, 900); en 100m hekkies – 17.33 (brons)
Shana Scott: skyfwerp – 34,00m (goud, 805); gewigstoot – 12,05m (silwer, 820); en spiesgooi – 32,13m (silwer)
Lané Taljaard: hoogspring – 1,50m (goud)
Amoné de Beer: spiesgooi – 34,39m (goud)
Therese Seyffert: 800m – 2:33.76 (goud); ook 1500m – 5:21.00 (goud)
Lallie Grobler: 400m hekkies – 69.29 (silwer, 807)
Wilmi Basson: 800m – 2:35.78 (silwer); ook 1500m – 5:39.60 (brons)
Inge Meyer: verspring – 4,62m (silwer)
Jana Engelbrecht: 100m – 12.85 (brons); ook 200m – 27.03 (brons)
Nicolize Aucamp: 400m – 64.28 (brons)
Meisies 19:
Tayla Kotzee: 100m hekkies – 16.03 (goud); 400m hekkies – 71.41 (silwer); 200m – 27.44 (brons)
Kyla Labuschagné: 400m hekkies – 68.09 (goud, 813); 200m – 26.65 (silwer); 100m – 13.10 (brons)
Chantel Olivier: hoogspring – 1,45m (goud)
Jomarie du Toit: skyfwerp – 24,82m (goud)
Danika Meiring: gewigstoot – 10,06m (goud)
Leonine Gildenhuys: 3000m – 11:44.91 (silwer); ook 1500m – 5:37.43 (brons)
Mila de Villiers: 800m – 2:28.97 (silwer); ook 1500m – 5:11.27 (silwer)
Suzaan Nel: 400m – 64.49 (silwer)
Ruané le Roux: gewigstoot – 8,69m (brons)
Lisa Kruger: verspring – 4,70m (brons)
Melissa le Clus: 800m – 2:32.18 (brons)
Welgedaan, atlete en afrigters! Die Nellies-gemeenskap is supertrots op elkeen van julle!