18 Feb NHS se atlete pure goud in Johannesburg!
Die volle span van NHS het verlede Vrydag, 14 Februarie, die finale geleentheid gekry om hulle vir komende naweek se Laeveld-atletiekskouspel by Bergvlam, te slyp. En wat ‘n onvergeetlike ervaring was dit nie gewees nie! Op die pragtige blou tartanbaan van UJ, kon die Nellies hulself teen die gedugte krag van Menlopark, Waterkloof, Helpmekaar, Vorentoe, EG.Jansen, Centurion, Eldoraigne en Klerksdorp, meet. Voeg hierby nog die groot voorreg om in spesiale prestige-items, Olimpiese atlete soos Caster Semenya, Akani Simbine en Clarence Munyai in aksie te kon sien!
Helpmekaar College se Goue Liga- byeenkoms sal sekerlik nie maklik vergeet word nie!
Telkens word die atletiekentoesiaste sprakeloos gelaat, wanneer NHS se sterre soos Ashleigh Erasmus, Shanese de Clerck, Zander vd Merwe en Douw Kruger in die velditems woeker – en Vrydag was dan ook geen uitsondering nie! Ashleigh (m.15) se wenafstand in gewigstoot (‘n ongelooflike 16,01m!) het talle rekords laat spat. Nr.1 in die RSA, eerste Laeveld-meisie wat 16m kon oorskry, groot gunsteling om vanjaar as nasionale kampioen gekroon te word. Haar naaste teenstander, Simoné Swanepoel van Helpmekaar, was ver terug met 12,75m. Ashleigh het ook oudergewoonte in skyfwerp nie haar gelyke gehad nie, en wen ook dié item met ‘n uitstekende afstand van 44,78m. Ook Shanese de Clerck (ook m.15) was op haar stukke, toe sy op ‘n pragtige 1,70m oor die dwarslat geseil en haar eie huishoudelike rekord van 1,68m oortref het. Sy was ook eerste in verspring (5,30m).
Dan, die uiters belowende gr.8-leerling, Tanya Pieterse. Tanya het die 400m-item vir m.14 voor die neuse van al die topskole se atlete weggeraap, toe sy in ‘n rekordtyd van 59.81 sek. verby die wenpaal geblits het. Dit vebeter Charlotte Klopper se 1999-rekord van 60.4 sek., en maak Tanya dan die eerste Laeveld-atleet in hierdie ouderdomsgroep, wat die 400m in onder 60 sek. kon aflê.
Wat die seuns betef, het Zander vd Merwe (s.19) met ‘n allemintige 69,91m (spiesgooi) getoon dat hy stewig op pad is om NHS se volgende 70m+ atleet te word. Net Werner Bouwer (75,91m in 2016) kon die senior spies al verder laat grondvat. Douw Kruger en Helpmekaar se Juan Oosthuyzen , het in gewigstoot (s.19) beide die spiere behoorlik laat bult toe hulle gewys dat hulle met groot afstande (17,93m en 17,62m), duidelik die goue medalje op vanjaar se SA’s in die visier het.
NHS is erg trots op al die Nellies wat so mooi presteer het! Die medaljewenners was soos volg (ABSA-punte bo 800 aangedui):
SEUNS
Goud:
Marvin Mthetwa (s.19): driesprong – 13,59m
Douw Kruger (s.19): gewigstoot – 17,93m (962)
Zander vd Merwe (s.19): spiesgooi – 69,91m (1016)
Silwer:
Handré vd Merwe (s.16): 400m hekkies – 55.22 (*Devon Nell se rekord is 55.21) (906)
Henko de Nysschen (s.19): 400m hekkies – 57.09; ook 400m – 50.05
Keenan Visser (s.17): 110m hekkies – 15.22
Marvin Mthetwa (s.19): 110m hekkies – 15.10
Ewan Nieuwoudt (s.17): 400m hekkies – 58.74
Werner Geldenhuys (s.17): gewigstoot – 14,58m; Aflos, s.19 – 44.18
Brons:
Marno du Plessis (s.14): 400m – 58.51
Wikus van Biljon (s.16): 400m – 51.81 (836)
Dawie van Heerden (s.17): 400m – 51.92; ook 400m hekkies – 58.79
Nathan Duncan (s.14): 800m – 2:11.12 (901)
Kian Mouton (s.15): 1500m – 4:32.74
Charles Nel (s.15): 100m hekkies – 14.21 (812)
Marco Capazorio (s.16): 110m hekkies – 14.47 (941)
Nico Liversage (s.19): 400m hekkies – 57.23
Bernick Bezuidenhout (s.16): hoogspring – 1,80m (849)
Douw Kruger (s.19): skyfwerp – 48,94m
MEISIES
Goud:
Ashleigh Erasmus (m.15): gewigstoot – 16,01m (1200); ook skyfwerp – 44,78m (1200)
Shanese de Clerck (m.15): hoogspring – 1,70m (1068); ook verspring – 5,30m (948)
Tanya Pieterse (m.14): 400m – 59.81 (910)
Nicci Viljoen (m.17): 400m hekkies – 66.61
Rhodé Nel (m.17): 100m – 12.28 (847)
Silwer:
Nicci Viljoen (m.17): 400m – 59.65
Mieke Louw (m.16): 100m hekkies – 15.70
Anya Venter (m.15): skyfwerp – 34.64m (936)
Aflos m.16 – 51.59
Aflos m.17 – 50.24 (841)
Brons:
Rhodé Nel (m.17): 200m – 25.72 (806)
Shana Scott (m.17): gewigstoot – 12,01m (812); ook skyfwerp – 33,53m
Lallie Grobler (m.17): 400m hekkies – 67.50
Lize Oosthuizen (m.15): spiesgooi – 33,13m
Jolanke van Zyl (m.16): spiesgooi – 35,88m
Aflos m.15 – 52.70
Aflos m.19 – 51.84
‘n Hele rits ander stewige vertonings, dui weer eens op ‘n groot medalje-oes vir Nellies by die Laeveld-byeenkoms. Om net ‘n paar te noem:
- Charles Nel (s.15): 100m – 11.66 (819)
- André Potgieter (s.16): 100m – 11.46 (802): ook 200m – 23.36 (862)
- Marco Capazorio (s.16): 400m – 51.90 (832); ook 400m hekkies – 57.21 (813)
- Kian Mouton (s.15): 800m – 2:09.52 (859)
- Handré vd Merwe (s.16): 110m hekkies – 14.58 (921)
- Ruan Pretorius (s.15): hoogspring – 1,70m (864)
- Karl Erichsen (s.15): 1,65m (823); ook skyfwerp – 42,55m (812)
- Hannes Botha (s.16): spiesgooi – 54,95m (841)
- Theunis Meyer (s.14): 200m – 25.58; ook 400m – 58.97
- Bradley Claasen (s.14): 200m – 25.39
- Nathan Duncan (s.14): 1500m – 4:44.45
- Stefan Coetzee (s.14): 1500m – 4:58.01; ook 800m – 2:19.95
- Alexandré Viljoen (s.16): 800m – 2:09.75
- Ruben Vorster (s.15): 100m hekkies – 14.48; ook 300m hekkies – 41.66
- Frederik Nel (s.17): gewigstoot – 14,32m
- Coben Putter (s.19): gewigstoot – 12,93m
- Philip Vogel (s.16): skyfwerp – 42,10m
- Quinn van Zyl (s.17): skyfwerp – 42,79m
- Heino Meiring (s.15): spiesgooi – 46,65m
- Marcel Saayman (s.19): spiesgooi – 50,84m
- Jana Engelbrecht (m.17): 100m – 13.09; ook 200m – 26.95
- Larise Combrink (m.16): 100m – 13.15; ook verspring – 4,75m
- Anri Spruyt (m.15): 400m – 63.13
- Tanya Pieterse (m.14): 300m hekkies – 48.90
- Danielle Groenewald (m.15): 300m hekkies – 48.90
- La-Alizia Venter (m.16): gewigstoot – 12,22m (866)
- Amoné de Beer (m.17): spiesgooi – 37,33m
- Shana Scott (m.17): spiesgooi – 33,25m
- Arili Boshoff (m.15): verspring – 4,79m (802)
- Jodi dos Santos (m.14): hoogspring – 1,40m (806)
- Anya Venter (m.15): gewigstoot – 10,71m
Ons allerbeste wense vergesel al die NHS-atlete en afrigters, vir die 2020- interhoër. Alle paaie lei D.V. op Saterdag 22 Februarie na Bergvlam – gewis ‘n geleentheid om reikhalsend na uit te sien!
Foto’s: Mia Dentan (Graad 12)
