26 May NHS se wintersport eerstespanne aangekondig
Hoërskool Nelspruit se eerste rugby-, netbal- en hokkiespanne vir 2022 is Donderdagaand 19 Mei tydens ‘n Wintersport “Big Brag”- funksie aangekondig. Hierdie “Big Brag” is vir die heel eerste keer aangebied en gaan definitief ‘n jaarlikse instelling word.
Die aand se program was propvol jolyt. A-span kapteine het deelgeneem aan verskillende prettige aktiwiteite op die veld – wat heelwat plesier aan die toeskouers verskaf het. Leerders wat die beste volgens ‘n tema aangetrek is, is aangewys terwyl daar lekker gees gevang is met liedjies wat saam gesing is.
Daarna is die spankapteine die geleentheid gegee om hul afrigters en spanmaats aan die toeskouers bekend te stel.
NHS is baie trots op hierdie eerstespanne wat reeds vele hoogtepunte hierdie seisoen bereik het. Ons sien uit om hulle dop te hou waar hulle weer hierdie naweek deelneem aan ligawedstryde op tuisbodem.
Eerste Netbalspan vir 2022
Eerste Rugbyspan vir 2022
Eerste Seuns Hokkiespan vir 2022
Eerste Dogters Hokkiespan vir 2022
