Sluit vandag nog aan by NHS se ouer-ondersteunersklub!
Die klub is in 1999 met 80 gesinne gestig en het mettertyd gegroei tot meer as 300 lede. Die hoofdoel van die ondersteunersklub is om te dien as ‘n ondersteuningsnetwerk vir Hoërskool Nelspruit.
Al die fondse wat deur die Palmdraers ingesamel word, word vir ontwikkelings- en opgraderingsprojekte by die skool aangewend. Die ledegelde is die grootste bron van inkomste maar ons bied ook elke tweede jaar ‘n gholfdag aan.
Die klub bied u die geleentheid om u lojaliteit en ondersteuning aan die skool op verskeie gebiede uit te leef.
Voordele vir klublede is die volgende:
- Lede word uitgenooi na alle onbespreekte skoolgeleenthede.
- Lede kry voorkeurbesprekings vir bespreekte geleenthede bv. Revue en Interhoër.
- Lede word uitgenooi om tydens tuisbyeenkomste in die Nellie Klub-losie te sit.
- ‘n Lederegister word gehou en lede se name sal op ‘n ererol verskyn vir 10 jaar ononderbroke lidmaatskap.
- Lede ontvang lidmaatskapkaartjies en ‘n skoolkalender.
- Gholfhemde, pette en sitplekkussings vir die lede, is by CK Embroideries beskikbaar.
“Ons is baie dankbaar vir ouers en vriende wat aansluit en die klub ondersteun. Alle ledegelde en donasies word tot voordeel van die leerders in die skool aangewend.” – Mnr. Gerrit Engelbrecht (Voorsitter)
Vir meer inligting kontak: Me. Dedré van Graan by 083-600-1750