07 May SDC-Noordvaal is op sosiale media
Die SDC Noordvaal Rugbytoernooi het vanjaar ‘n Facebook-, Instagram- en TikTok-bladsy, waar alle nodige inligting oor die reeks van uitslae tot wedstrydbepalings gedeel word. Aanhangers kan gerus hierdie bladsye volg om op hoogte van die aksie te bly. Die eerstespan maak binnekort ook hul verskyning. Hier is ‘n paar agter-die-skerm foto’s wat tydens die verfilming geneem is.
Die Rhinos het Saterdag, 27 April, hul eerste wedstryde van die reeks gespeel en sommige spanne het gehoop op ‘n beter begin. Die o/16A-span het vir spannende aksie gesorg met ‘n 18-24 oorwinning, en die 14C-span het met 5-12 gewen. Die o/15-wedstryd was intens van begin tot einde. Die Nellies het in die laaste oomblikke van die wedstryd ‘n drie gedruk, maar is weerhou om die bal oor die pale te skop. Hulle het met 1 punt verloor (18-17).
Hier volg die uitslae:
14A: Verloor 15-11
14B: Verloor 22-14
14C: Wen 5-12
15A: Verloor 18-17
15B: Verloor 33-10
15C: Verloor 22-12
16A: Wen 18-24
16B: Verloor 26-0
16C: Verloor 17-0
4des: Verloor 17-7
3des: Verloor 22-7
2des: Verloor 17-5
1stes: Verloor 61-17
Die rugbyspanne staan bekend vir hul Nellieguts en werk nou ekstra hard ter voorbereiding van die volgende wedstryde wat Saterdag teen Helpmekaar Kollege te Johannesburg plaasvind.